Unibertsitatea

Sarbide zuzena

Unibertsitatera batxilergoa eta selektibitatea gaindituta zuzenean sar daiteke, edota goi mailako formakuntza ziklo bat edo baliokideren bat gaindituta. Lan-experientziaren bidez sartzeko aukera ere badago.

Plazen eskaintzaren eta eskariaren arabera, beharrezkoa da  ikasketa askotarako batez besteko nota ona lortzea, berau aukeratu nahi den unibertsitate ikasketaren ebaketa notaren baitakoa izango delarik.

EHU: unibertsitaterako sarbidea

Proba bidezko sarbidea

Unibertsitateak sarbide proba bat egiten du 25 eta 45 urtetik gorako pertsonentzat. Unibertsitean sartzeko eskatzen den titulurik ez duten, eta azterketa egingo den urteko urriaren 1a baino lehen 25 edo 45 urte beteko dituzten pertsonak matrikulatu ahal izango dira.

Proba hori HHIeko zenbait ikastetxetan presta daiteke, hala nola akademia pribatuetan.

Proba hori gainditzeak EHUko (Euskal Herriko Unibertsitatea)  fakultate publikoetan eta  UHUN-an (urrutiko hezkuntzarako unibertsitatean) notaren arabera matrikulatzeko aukera ematen du. Baita beste unibertsitate publiko batzuetan eta unibertsitate pribatuetan ere. 

 

Informazioa

Ikasketei, sarbide probei, ebaketa notei, karrera bakoitzeko gai-zerrendei, eta abarrei buruzko informazioa  honako web-orrian aurki dezakezu:

25 eta 45 urtetik gorako pertsonentzako sarbide probei, azterketa-ereduei, matrikula-egunei eta abarrei buruzko informazioa honako web-orri honetan aurki dezakezu:

EHUro dagokiona honako honetan

 

Egitura orokorra

Unibertsitaterako sarbide proba,  proba komun eta proba espezifiko batez osatzen da.

25 urtetik gorakoentzako sarrera proba:

Proba komuna:

 

Helburua izango da ikasleek unibertsitateko ikasketak arrakastaz egiteko duten heldutasuna eta egokitasuna baloratzea, bai eta arrazoitzeko eta idatzizko adierazpenerako duten gaitasuna ere. Lau ariketa izango ditu, eremu hauei buruzkoak:

 

  • Testu iruzkina edo gaurkotasuneko gai orokor baten garapena.

  • Gaztelania.

  • Ingelesa, frantsesa, alemana, italiera edo portugesa aukeran.

  • Euskara. Ariketa horretatik salbuesteko eskatu ahal izango dute izangaiek, arrazoi hauengatik: 1971/01/01 baino lehen jaio izana; derrigorrezko irakaskuntza Euskal Autonomia Erkidegoan egin ez izana; salbuespen hori justifikatzen duten behar bezala dokumentatutako aparteko beste arrazoi batzuk.

 

Berariazko proba:

Berariazko probaren helburua da izangaiek ezagutza adar bakoitzari lotutako unibertsitate ikasketak arrakastaz egiteko dituzten trebetasunak, gaitasunak eta gaitasunak baloratzea.

Graduko ikasketa ofizialak atxikitzen zaizkien bost jakintza adarrekin lotutako bost aukeratan egituratuko da. Hautagaiek bi irakasgai izango dituzte aukeran, aukera bakoitzerako ondoren aipatzen direnak:

(Donostiako HLHIn, azpimarratutako irakasgaiak prestatzen dira):

  • Arteak eta Giza Zientziak (irakasgaiak: Artearen Historia, Marrazketa Artistikoa, Filosofiaren Historia eta Historia)

  • Zientziak (Irakasgaiak: Matematika, Fisika, Kimika eta Biologia)

  • Osasun Zientziak (Irakasgaiak: Gizarte eta Osasun Zientzietarako Matematika, Fisika, Kimika eta Biologia)

  • Gizarte eta Lege Zientziak (Irakasgaiak: Gizarte eta Osasun Zientzietarako Matematika, Enpresaren Ekonomia, Historia eta Geografia)

  • Ingeniaritza eta Arkitektura (Irakasgaiak: Matematika, Fisika, Kimika eta Marrazketa Teknikoa)

 

45 urtetik gorakoentzako sarrera proba:

Sarrera probak bi fase izango ditu:

Lehen fasea

Unibertsitateko ikasketak arrakastaz egiteko izangaien heldutasuna eta egokitasuna eta arrazoitzeko eta adierazteko gaitasuna baloratuko dira. Hiru ariketa izango ditu, eremu hauei buruzkoak:

  • Testu iruzkina edo gaurkotasuneko gai orokor baten garapena.

  • Gaztelania.

  • Euskara. Ariketa horretatik salbuesteko eskatu ahal izango dute izangaiek, arrazoi hauengatik: 1971/01/01 baino lehen jaio izana; derrigorrezko irakaskuntza Euskal Autonomia Erkidegoan egin ez izana; salbuespen hori justifikatzen duten behar bezala dokumentatutako aparteko beste arrazoi batzuk.

Ariketa horiek 25 urtetik gorakoentzako sarrera probako berberak izango dira eta egun eta toki beretan egingo dira. Epaimahaiak berak zuzenduko ditu.

 

Bigarren fasea

Elkarrizketa pertsonala, non ikasketa jakin batzuk egiteko gaitasunak eta ezagutzak baloratuko baitira. Elkarrizketa langile espezializatuek egingo dute, eta horren emaitzaren gainean "gai" edo "ez gai" motako ebazpena aurkeztu beharko da. Lehenbiziko fasea gainditu duten izangaiak bakarrik joan daitezke.